Therello Ya  Leina La Sepadi Go Ba Matlala
Kgoshi Magale Matlala wa II o ile a segofatswa ka masogama ao a latelago;

1. Lehwelere
2. Motampane
3. Choeung
4. Mashabe
5. Majane
6. Ramphelane
7. Motswaledi

Motampane o rile go gola a nyalana le Tlakale go tswa ka ga Tjabadi gomme ba segofatswa ka makgarebe a o a latelago;

1. Mampe
2. Motlagoronwa
3. Mmagomakgeru

Sepadi ke kgaetsedi'a bona. Yena o rile go gola a ya komeng a bolla. O ile a swanela go reelwa leina. Rragwe o ile a rata go mo reela leina la rragwe e lego Magale .Eupsa o ile a thula kota gobane mohumagadi wa gagwe(Tlakale)o ganne ka ge a be a boifa gore leina leo ke la kgoshi ka gona le ka hlola tshele ge le ka reelwa ngwana wa bona.

Ke ka fao Motampane a ilego a kgopela Mmago ngwana gore a tle ka leina le a ka le kgotsofalelago. Ka ona mabaka ao, ngwana o ile reela leina la bo mmagwe.